Fréttir

ICI gefur út nýja bók

Komin er út ný bók eftir Guðrúnu Pétursdóttur í útgáfu ICI. Bókinni, sem er skrifuð á ensku er ætlað að vera handhæg handbók fyrir kennara sem hafa áhuga á fjölbreyttum samvinnunámsaðferðum sem henta vel í fjölbreyttum nemendahóp og sem hafa sýnt sig að gagnast vel við að þjálfa fjölmenningarlega hæfni nemenda. Bókin er gagnleg kennurum á öllum skólastigum og fæst nú í bóksölu stúdenta

{texti}

Ég er enginn rasisti, en

Kynningarfundur á stuðningsefni fyrir fordómafræðslu

Hversdagsrasismi og fordómar er því miður hluti af daglegu lífi stórs hluta fólks af erlendum uppruna á vinnustað þeirra skv. nýlegri rannsókn ICI. Vinnustaðir hafa brugðist við með því að halda námskeið eða fundi með starfsfólki, sem stundum sýnir allt frá áhugaleysi til ögrandi hegðuna við umræðuefninu.  Á kynningarfundinum verður farið yfir markmið og niðurstöður verkefnisins, prófaðar aðferðir og kynnt stuðningsefni fyrir kennara eða fræðslufulltrúa vinnustaða. Efnið er allt aðgengilegt á íslensku eða með íslenskum texta.

Staður: Húsnæði Garðyrkjufélags Íslands, Síðumúla 1 (gengið inn Ármúlamegin)

Tími: 5. júlí 2018 kl. 13.00 - 17.00

Takmörkuð þátttaka er á fundinum og biðjum við fólk vinsamlegast að skrá þátttöku með tölvupósti á netfangið: gudrun@ici.is

{texti}

INAR, but… ráðstefna í Bucharest

1. Júní næstkomandi mun samstarfsverkefnið INAR, but... (Ég er enginn rasisti, en...) halda fjölþjóðlega ráðstefnu í Bucharest, Rúmeníu.

Meðfylgjandi má sjá dagskrá ráðstefnunnar. Þess ber að geta að fræðslufundur um verkefnið verður einnig haldinn á Íslandi í júlí eða ágúst en staður og stund verður auglýst síðar.


Fyrsti afrakstur INAR verkefnisins

Vorið er alltaf fullt af námskeiðum hjá okkur ICI teyminu og þetta vorið er engin undantekning. Frá janúar - Mai 2018 við munum hafa tekið á móti 93 evrópskum kennurum allra skólastiga sem og öðrum hópum fólks eins og t.d. þýskum sjálfboðaliðum sem vinna með flóttafólki.

En auk þess að hanna, skipuleggja og kenna á námskeiðum stýrum við líka Erasmus+ verkefninu INAR, but... og nú hefur fyrst afrakstur þess verkefnis litið dagsins ljós. Við vitum öll að það eru margar sögusagnir og mýtur í gangi varðandi allt mögulegt sem snýr að innflytjendamálum og flóttafólki í Evrópu og með því að smella á hlekkinn hér fyrir neðan má gera smá sjálfskönnun á því hvort vitneskjan sem við teljum okkur hafa byggir á staðreyndum eða mýtum.

https://quiz.fbapp.io/inar-test-quiz-version-3-dup


INAR, but… vefsíðan

Nú hefur vefsíða Erasmus verkefnisins, INAR, but... , verið opnuð - www.inar.is.

Á vefsíðunni er nú þegar hægt að nálgast upplýsingar um verkefnið en þegar við höfum lokið við þróun stuðningsefnisins fyrir leiðbeinendur/kennara á námsekiðum gegn fordómum, verður það einnig aðgengilegt þar. ICI er verkefnastjóri verkefnisins en samstarfsaðilar eru frá Þýskalandi, Rúmeníu og Skotlandi.

INAR verkefnið er líka með fb síðu og má finna hana hér


Við flytjum!

Skrifstofa InterCultural Íslands flytur. Frá og með 31. júlí verður skrifstofan á Fiskislóð 81, 2. hæð. Gengið er inn á hliðinni við hliðina á bifreiðaverkstæðinu.

Skrifstofan verður lokuð 28. júlí vegna flutninga.


Námskeið, námskeið, námskeið...

Við hjá ICI höfum verið óskaplega uppteknar þetta vorið með námskeið hér og þar um allskyns málefni sem þó öll snúa að því á einhvern hátt að vinna gegn fordómum og rasisma. Við höldum mikið af námskeiðum fyrir evrópska kennara, bæði á Íslandi og utan, þar sem áhersla er á fjölmenningarlega kennsluhætti fyrir öll skólastig. Í júní vorum við svo í Þýskalandi með námskeið fyrir Kommunale Integrationszentren (LaKI) í Dortmund og eftir það var haldinn annar fundur INAR verkefnisins. Þið getið lesið meira um verkefnið hér á síðunni undir eða á fb síðu verkefnisins INAR, but...

Í ágúst byrjum við svo á fullum krafti aftur, fyrst með framhaldsnámskeið fyrir Dalvíkurskóla og svo í september fyrir stóran evrópskan hóp kennara frá 7 Evrópulöndum.

Alltaf fjör hjá ICI smile

{texti}

Könnun á gagnsemi námskeiða ICI

Jafnvel þó niðurstöður þess mats sem við hjá ICI framkvæmum í tengslum við öll okkar lengri námskeið hafi verið næstum 100% jákvætt, höfum við í gegnum tíðina oft spurt oft spurt okkur hvort sú ánægja og gagnsemi sé enn til staðar nokkrum mánuðum eða jafnvel árum síðar. Við ákváðum því að leggja stutta netkönnun fyrir fyrrverandi þátttakendur á evrópunámskeiðunum okkar þ.e. þátttakendur, sem hafa sótt námskeiðin í gegnum Erasmus+ áætlunina. Niðurstöður könnunarinnar voru afar jákvæðar og gáfu okkur endurnýjaðan kraft til að halda því verki sem við byrjuðum árið 2004 áfram. Niðurstöður könnunarinnar má lesa hér.

Við viljum nota tækifærið og óska öllum vinum og velunnurum ICI Gleðilegs nýs árs með kærum þökkum fyrir samskiptin á árinu sem er að líða!


Frumkvöðlasmiðjan gekk vel!

Við hjá ICI erum okkur alltaf meðvituð um þann auð og styrk sem innflytjendur koma með inn í íslenskt samfélag. Þess vegna sóttum við um styrk í Þróunarsjóð innflytjendamála til að halda frumköðlavinnustofu, sérsniðna fyrir innflytendur. Við fengum til liðs við okkur sérfræðing á sviði frumkvöðlakennslu, Ágúst Pétursson, og þróuðum í samvinnu við hann 20 kennslustunda vinnustofu sem hann síðan kenndi síðustu vikuna í október. Aðsóknin að vinnustofunni var slík að ekki fer á milli mála að mikil þörf er fyrir slík námskeið á Íslandi. Hugmyndirnar streymdu frá þátttakendum og virknin og dugnaðurinn var ótrúlegur.
Við þökkum þátttakendum kærlega fyrir þátttökuna og vonumst til að hugmyndirnar muni halda áfram að þróast og verða að veruleika!

{texti}

Ég er enginn rasisti, en…

"Ég er enginn rasisti, en..." er nafnið á Erasmus+ verkefni sem InterCultural Ísland hefur fengið styrk til vinna með sambærilegum stofnunum í Þýskalandi, Skotlandi og Rúmeníu. Markmið verkefnisins er að hanna námskeið og stuðningsefni fyrir þá sem halda vilja námskeið um dulda fordóma og rasisma, sérstaklega með tilliti til að ná til þeirra sem ekki hafa áhuga á þátttöku á slíku námskeiði af ýmsum ástæðum. Nafnið á verkefninu vísar einmitt til þess að margir þekkja ekki hinar ólíku birtingarmyndir fordóma og rasisma og telja sig þess vegna alls ekki þurfa á slíku námskeiði að halda. Verkefnið snýr að því að hanna námskeið þar sem fólk fær tækifæri til að ræða saman og vinna verkefni í öruggu umhverfi  og hanna stuðningsefni fyrir þá sem veita námskeið um þetta viðkvæma og stundum eldfima málefni. Þannig er sjónum beint að þeim sem valda vanlíðan og útilokun ákveðinna hópa frekar ein þeim sem fyrir mismununinni verða. Hægt verður að fylgjast með framvindu verkefnisins á facebook síðu verkefnisins þegar hún er komin í gagnið. Upplýsingar um hvenær það verður er hægt að sjá hér og á facebook síðu ICI