Leiðir til að örva frumkvöðlahugsun í fjölmenningarlegu samhengi

Verkefnið var Evrópusamstarfsverkefni, styrkt af Grundtvig áætluninni — Menntasamstarf sem felur í sér heimsóknir.

Eins og fram kemur á heimasíðu Menntaáætlunarinnar: “Menntasamstarfið styrkir smærri stofnanir/samtök til að vinna verkefni í samvinnu við evrópskar sambærilegar stofnanir. Verkefnin geta verið af ýmsum toga á sviði fullorðinsfræðslu og markmiðið er að þau nýtist kennurum og nemendum í fullorðinsfræðslu. Áhersla er lögð á miðlun reynslu og aðferðafræði milli landa. Heimsóknir/fundaferðir eru stærri liður í þessum þætti en öðrum Grundtvig þáttunum”.

Verkefnið sem ICI stýrði bar nafnið: “Leiðir til að örva frumkvöðlahugsun í fjölmenningarlegu samhengi”

Markmið verkefnisins:

Markmið verkefnisins er að auðvelda aðlögun ákveðinnar hæfni og færni, sem nauðsynleg þykir í daglegu lífi, inn í hverskyns fullorðinsfræðslu. Sérstaklega verður horft til frumkvöðlafærni og fjölmenningarlegrar færni í þessu samhengi (Entrepreneurial and intercultural competences)

Einnig er markmið verkefnisins að vekja athygli fullorðinna nemenda sem og fagfólks á sviði fullorðinsfræðslu á mikilvægi þessarar færni, bæði fyrir starfsmöguleika og velgengni í starfi en einnig fyrir persónulegan þroska hvers og eins og samfélagslega virkni einstaklinganna.

Markhópur:

Sá hópur sem samstarfsverkefnið mun sérstaklega líta til, eru fullorðnir nemendur almennt, fullorðnir nemendur sem tilheyra hverskyns jaðarhópum samfélagsins eða eru í verri aðstöðu til að nýta möguleika sína (t.d. innflytjendur, fullornir með fötlun, fullorðnir sem njóta minni möguleika vegna félagslegrar- eða efnahagslegrar stöðu sinnar, konur sem áhuga hafa á frumkvöðlastarfsemi).

Viðfangsefni samvinnuverkefnisins:

Að safna og þróa aðferðir og efni sem hafa sýnt sig að eru gagnlegar til að styrkja fjölmenningarlega- og frumkvöðlahæfni fullorðinna.

Að safna og þróa (m.a. með “best praxis” athugunum í þátttökulöndunum) hugmyndir um hvernig fjölmenningarleg- og frumkvöðlahæfni getur aukið möguleika fólks sem tilheyrir jaðarhópum (disadvataged groups) til að stofna eigið smáfyrirtæki eða rekstur af einhverju tagi.

Að hanna námskeið fyrir kennara og stjórnendur í fullorðinsfræðslu með því að markmiði að þeir fái tækifæri til að kynnast og þjálfa aðferðirnar og læri að hanna námsefni sitt á þann veg að það styrki fjölmenningarlega- og frumkvöðlahæfni nemenda sinna.

Megin verkefni:

Koma á framfæri ýmiskonar kennsluefni og aðferðum um fjölmenningarlega hæfni og frumkvöðlahugsun.
Að bjóða sérfræðingum á viðkomandi sviðum til að kynna megin hugmyndir, aðferðir og efni.
Námsferðir til þátttökulandanna fjögurra. Í námsferðunum er verður eitthvað af eftirfarandi skipulagt
Heimsóknir í fullorðinsfræðslustofnanir þar sem lögð er sérstök áhersla á að ná til einstaklinga sem tilheyra minnihlutahópum.
Heimsóknir til fyrirtækja þar sem litið hefur verið á fjölmenningarleg hæfni sem kost og þar sem hún hefur gagnast við uppbyggingu fyrirtækisins.
Heimsóknir til fyrirtækja þar sem fólk, sem tilheyrir minnihlutahópum hefur stofnað sín eigin fyrirtæki og nýtt til þess frumkvöðla- og fjölmenningarlega hæfni sína.
Stutt námskeið fyrir kennara og stjórnendur í fullorðinsfræðslu var hannað þar sem aðferðir og efni var kynnt.
Allar þátttökustofnanir settu upplýsingar um verkefnið, sem og upplýsingar um efni og aðferðir á ensku og eigin tungumáli á vefsíður sínar.

Verkefnið var afar farsælt og var ICI veitt gæðaviðurkenning Landsskrifstofu Menntaáætlunar fyrir fyrirmyndarverkefni Grundtvig í nóvember 2010.

Hér til hliðar má sjá myndir af samstarfsfundum í Þýskalandi, Ítalíu, Spáni og Íslandi.