Um okkur

ICI var stofnað árið 2003 af 5 konum sem allar hafa menntun og/eða reynslu á sviði fjölmenningarlegra málefna.

ICI er sjálfstæð og óháð stofnun sem nýtur engra opinberra styrkja en laun starfsmanna eru fjármögnuð með þátttöku í evrópskumverkefnum auk námskeiðsgjalda og túlkaþjónstu.

ICI er ekki rekið í hagnaðarskyni (non profit organisation).

Hjá fyrirtækinu starfa nú fjórir starfsmenn í fullu starfi en auk þess starfar með ICI bókari og 153 verktakar sem ICI hefur þjálfað til að starfa sem túlkar.

Markmið ICI:

Að auka fjölmenningarleg samskipti og samvinnu

Að nýta þekkingu innflytjenda sem auðgun fyrir íslenskt samfélag og auka meðvitund um kosti margbreytileikans

Að vinna gegn fordómum og mismunun með markvissri fræðslu og ráðgjöf

Að þjálfa kennara og aðra uppalendur í fjölmenningarlegum kennsluháttum.

Að bjóða upp á túlka– og þýðingaþjónustu og bæta þannig aðgang innflytjenda að upplýsingum og nýta um leið þá tungumálakunnáttu sem innflytjendur og tvítyngdir einstaklingar búa yfir.

Miðstöðin leggur auk þess mikla áherslu á alþjóðlegt og þó einkum evrópskt samstarf með það að markmiði að nýta þá þekkingu og reynslu sem þar hefur orðið til og miðla þekkingu og reynslu frá Íslandi.

Starfsfólk ICI:

Cherry Hopton

Kennari

Cherry er félagsfræðingur og kennari. Hún hefur unnið sem framhaldsskólakennari um árabil bæði í Englandi og Skotlandi, aðallega við félagsfræði- og afbrotafræðikennslu. Undanfarin ár hefur hún auk þess tekið þátt í fjölda evrópskra verkefna með ICI á sviði fordóma, hversdagsrasisma, samvinnunáms og fjölmenningarlegrar kennslu. Nú starfar hún fyrir ICI, aðallega við námskeiðshald og þátttöku í evrópskum verkefnum.

Tölvupóstfang: cherry@ici.is

Anna Maria Milosz

Starfsmaður skrifstofu

Anna Maria kemur frá Póllandi. Hún hefur starfað sem túlkur fyrir ICI síðan 2005 og sem fastur starfsmaður skrifstofu síðan 2006. Auk þess að sinna almennum skrifstofustörfum hefur Anna Maria einnig tekið þátt í öllum evrópskum samstarfsverkefnum og sinnt ýmsum verkefnum í tengslum við þau og aðstoðað við undirbúning námskeiða. Hún hefur einnig kennt byrjendanámskeið í íslensku fyrir pólskumælandi nemendur hjá ICI og víðar.

Tölvupóstfang: anna@ici.is

Angelica Cantú Davila

Verkefnastjóri túlkaþjónustu

Angelica er verkefnastjóri túlkaþjónustu. Hún hefur starfað um árabil sem túlkur og þýðandi, kennt spænsku á ýmsum skólastigum og haldið fjölda námskeiða fyrir verðandi túlka hjá ICI. Angelica hefur einnig tekið þátt í öllum evrópskum samstarfsverkefnum ICI og sinnt ýmsum verkefnum í tengslum við þau.

Angelica hefur um árabil haldið námseið fyrir túlka og heldur námskeið fyrir notendur túlkaþjónustu ef þess er óskað.

Tölvupóstfang: angelica@ici.is

Guðrún Pétursdóttir

Framkvæmdastjóri

Guðrún er félagsfræðingur að mennt með sérstaka áherslu á vinnu gegn fordómum og rasisma, innflytjendamál og fjölmenningarleg samfélög. Hún er einnig kennari og hefur sérhæft sig í fjölmenningarlegri kennslu og samvinnunámi. Hún er höfundur bókanna “Fjölmenningarleg kennsla” (1999) og “Allir geta eitthvað – enginn getur allt” (2003). Guðrún hefur haldið fjölda námskeiða bæði hérlendis og í Evrópu auk þess að hafa tekið á móti fjölda evrópskra kennara á námskeið hér á landi. Guðrún er eigandi og forstjóri ICI.

Tölvupóstfang: gudrun@ici.is